نابلس (روز نامہ قدس ۔آن لائن خبر رساں ادارہ) مقبوضہ مغربی کنارے کے شمالی شہر نابلس میں بیتا کے مقام پر صیہونی شرپسندوں نے گولیاں مار کر ایک فلسطینی شہری کو شہید اور دوسرے کو زخمی کر دیا۔
روز نامہ قدس کو موصول ہونے والی اطلاعات کے مطابق اسرائیل کے بیلسن اسپتال نے بتایا ہے کہ صیہونی آباد کاروں نے خربہ قیس کےمقام محمد عبدالمنعم عبدالفتاح کو گولیاں مار کر شہید کردیا۔
فلسطینی ہلال احمر کےترجمان احمد جبریل نے بتایا کہ 22 سالہ ایک فلسطینی خالد رواجبہ کو رفیدیا اسپتال منتقل کردیا گیا۔ اسے شدید زخمی حالت میں اسپتال لایا گیا۔
ایک دوسرے فلسطین عبدالمنعم عبدالفتاح کو صیہونی آباد کاروں نے گولیاں مار کر شدید زخمی کردیا جسے اسپتال منتقل کیا گیا جہاں وہ زخموں کی تاب نہ لاکر دم توڑ گیا۔