(روز نامہ قدس ۔آنلائن خبر رساں ادارہ ) مسلح صیہونی آبادکاروں نے فلسطینی بستیوں پر حملہ کیا گھروں کی کھڑکیاں اور دروازے توڑڈالے ،متعدد گاڑیوں کو بھی نقصان پہنچایا ۔
مقبوضہ فلسطین میں غیر قانونی صیہونی آبادکاروں پر نظر رکھنےوالی تنظیم کے سربراہ غسان دغلس کے مطابق اسلحہ سے لیس غیرقانونی صیہونی آبادکاروں نے مقبوضہ بیت المقدس کے شہر نابلس میں فلسطینی بستی پر حملہ کیا اور فلسطینیوں کے گھروں کی کھڑکیاں اور دروازو ں کو نقصان پہنچایا جبکہ کم سے کم بیس گاڑیوں کو بھی تباہ کردیا۔
مقامی ذرائع کا کہنا ہے کہ فلسطینی نوجوانوں نے جب حملہ آور صیہونی آبادکاروں کو پکڑنے کی کوشش کی تو صہیونی آبادکاروں نے ان پر فائرنگ بھی کی تاہم خوش قسمتی سے کسی کے زخمی ہونے کی اطلاع موصول نہیں ہوئی ۔ا