(روزنامہ قدس ۔آن لائن خبر رساں ادارہ) قابض غیر قانونی صیہونی آبادکاروں کے فلسطینی آبادیوں پر حملے جاری ہیں، صیہونی فوج کے حفاظتی حصارمیں شرپسند یہودی آبادکاروں نے فلسطینی شہری کے باغ کو اجاڑ دیا ۔
مقامی ذرائع کے مطابق گزشتہ روز مقبوضہ مغربی کنارے کے جنوبی شہر بیت لحم میں بیت اسکاریا کے مقام پر قائم غیر قانونی صیہونی آبادکاروں کی بستی غوش عتصیون’ کے رہائشی درجنوں آبادکاروں نے فلسطینی شہری محمود علی سعد کی ملکیت ایک ایکڑ پر محیط باغ پر حملہ کیا اور باغ میں لگے مختلف اقسام کے پھلدار درختوں کو کاٹ ڈالا ۔
عینی شاہدین کا کہنا ہے کہ شرپسند یہودی آبادکاروں کو اس اشتعال انگیز کارروائی میں صیہونی فوج کی سرپرستی حاصل تھی اورفلسطینی باشندوں کی جانب سے کسی بھی مزاحمت کی صورت میں اسرائیلی فوج کارروائی کیلئے ان کے ہمراہ تھی ۔