(روزنامہ قدس ۔آن لائن خبر رساں ادارہ( صیہونی غیر قانونی آبادکاروں نے اسرائیلی پولیس کی سرپرستی میں فلسطینیوں کے باغ اجاڑ دیئے اور زرعی زمین اپنے قبضے میں لے لی۔
مقبوضہ فلسطین میں غیر قانونی یہودی آبادکاری کے خلاف سرگرم گروپ کے ترجمان نے بتایا ہےکہ گزشتہ روز غیر قانونی صیہونی آبادکاروں کے ایک گروپ نے اسرائیلی پولیس کی سرپرستی میں مقبوضہ مغربی کنارے کے جنوبی شہر الخلیل میں تل ارمیدہ کے مقام پر فلسطینی اراضی پر قائم زیتون کے باغ کو کاٹ ڈالا اور زرعی زمین پر عارضی خیمے گاڑکر اراضی اپنے قبضے میں لے لی ہے۔
ترجمان کا کہنا تھا کہ زرعی زمین النشتہ فلسطینی خاندان کی ملکیت ہے جس کے تمام قانونی دستاویزات خاندان کے پاس محفوظ ہیں جس کے باوجود صیہونی حکام نے یہودی آبادکاروں کے غیر قانونی اقدام کی حمایت کی ہے ۔