(روزنامہ قدس ۔آن لائن خبر رساں ادارہ) صیہونی فوج نے کہا ہے کہ پابندی حفاظتی اقدامات کے تحت لگائی گئی ہے ،حکام کو خطرہ کے کہ فلسطینی شہری اسرائیلی ریاست کیلئے خطرہ بن سکتا ہے۔
مقامی ذرائع کے مطابق اسرائیلی پولیس نے انتظامی حراست کی غیر قانونی پالیسی کے تحت اپنی سزا پوری کرکے رہا ہونے والے مقبوضہ بیت المقدس کے کے رہائشی فلسطینی باشندے عنان نجیب پر چھ ماہ کیلئے مقدس شہر میں داخل ہونے پر پابندی عائد کردی ہے جبکہ پابندی کے احکامات سے قبل انھیں رواں ہفتے کے دوران متعدد بار تفتیش کیلئے طلب کیا جاتا رہا ہے ۔
صہیونی پولیس کا کہنا ہے کہ فلسطینی باشندے پر پابندی حفاظتی اقدامات کےتحت لگائی جارہی ہے ، حکام کو خدشہ ہے کہ عنان نجیب اسرائیلی ریاست کے خلاف سرگرمیوں میں ملوث ہوسکتا ہے ۔
واضح رہے کہ رواں ہفتے صہیونی حکام کی جانب سے مسجد اقصیٰ کے خطیب الشیخ عکرمہ صبری اور خواتین صحافی ، سماجی کارکنان سمیت متعدد فلسطینی باشندوں کو قبلہ اول اور مقبوضہ بیت المقدس سے بے دخل کیا گیا ہے ۔