(روز نامہ قدس ۔آنلائن خبر رساں ادارہ ) صیہونی فوجیوں نے روزگار سے فارغ ہوکر گھر جانے والے بزرگ فلسطینی کو بلا جواز فائرنگ کرکے شدید زخمی کردیا دوسری جانب شرپسند صیہونی آبادکاروں نے فلسطینیوں کے زیتون کے درخت کاٹ ڈالے۔
مقامی ذرائع کے مطابق مقبوضہ فلسطین پر قابض صیہونی فوجیوں نے مقبوضہ بیت المقدس کے شہر جنین کے علاقے برطعہ کے مقام پر 50 سالہ بزرگ فلسطینی کو بلا جواز فائرنگ کرکے اس وقت شدید زخمی کردیا جب وہ اپنے روز گار سے فراغت حاصل کرنے کے بعد اپنے گھر جارہے تھے، صیہونی فوجیوں کی جانب سے زخمی شہری کو طبی امداد انتہائی تاخیر سے فراہم کی گئی جس کے باعث بزرگ فلسطینی کی حالت تشویشناک بتائی جارہی ہے۔
دوسری جانب شرپسند صیہونی آبادکاروں کے مسلح گروپ نے مقبوضہ بیت المقدس کے شہر الخلیل میں مسافر يطا کے مقام پر فلسطینیوں کے ایک باغ پر حملہ کیا اورزیتون کے 50پھلدار درختوں کو کاٹ کر تباہ کردیا۔