(روز نامہ قدس ۔آنلائن خبر رساں ادارہ ) مسجد اقصٰی میں حفاظتی امور کو سر انجام دینے کی پاداش فلسطینی باشندے کے گھر پر صہیونی فوجی حملہ، تفتیشی نوٹس جاری
ذرائع کےمطابق گذشتہ روز قابض صہیونی ریاست میں غاصب فوج کی جانب سےمقبوضہ بیت المقدس میں باب الحطہ کے رہائشی مسجد اقصٰی کے محافظ المقدیسی محمد شریفہ کے گھر پر چھاپہ مار کارروائی کر تے ہوئے تلاشی لی اور محمد شریفہ کو گھر پر نہ پاکر انہیں تفتیش کے لیے صہیونی حراستی مر کز طلب کرنے کے نوٹس جاری کر دیے۔
خیال رہے کہ گذشتہ کئی ہفتوں سے قابض حکام منظم منصوبوں کے تحت مسجد اقصٰی کے محافظوں کو مسجد سے بے دخل کرنے کے لیے مختلف سازشیں کر رہی ہے، اس حالے سے کچھ روز قبل صہیونی حکام کی جانب سے اقصٰی مسجد کے ایک اور محافظ فادی علیان کو مسجد سے علیحدہ ہونے پر مجبور کیا جارہا تھا جس کے بعد مسجد کی حفاظت کے امور سے دست بردار نہ ہونے کی صورت میں ان کے گھر کو مسمار صہیونی فوج نے مسمار کر دیا۔