(روزنامہ قدس ۔آن لائن خبر رساں ادارہ) قابض فوج نے 2 مظلوم فلسطینیوں کو زدوکوب کرکے مزید تشدد کے لیے صہیونی تفتیشی مرکز منتقل کردیا۔
تفصیلات کےمطابق گذشتہ روز مقبوضہ بیت المقدس میں باب العمود کے مقام پرقابض صہیونی فوج کی جانب سےاپنے روزگار پر جانے والے فلسطینی باشندے المقدیسی ابراہیم ابوسینہ اور ان کےبیٹے کو تلاشی کے بہانے روک کر تشدد کانشانہ بنایا جبکہ دونوں فلسطینی باپ اور بیٹے کی جیبوں سے ملنے والی رقم ضبط کر تے ہوئے انہیں صہیونی فوجی گاڑیوں میں ڈال کرغیر قانونی ریاست کے قائم کردہ غیر قانونی تفتیشی مرکز پہنچا دیا گیا ہے۔
واضح رہے کہ قابض ریاست میں غاصب فوج کے تفتیشی مراکز جہاں ہر فلسطینی کو کسی الزام کے ثابت ہونے سے قبل ہی بدترین تشدد کا نشانہ بنایا جاتا ہےصرف اور صرف فلسطینی عوام کوتفتیش کی آڑ میں زدوکوب کر نے کے لیے قائم کیے گئے ہیں۔