(روز نامہ قدس ۔آنلائن خبر رساں ادارہ ) قابض صہیونی فوج نے فلسطینی باشندے کے گھر کا محاصرہ کیا اور کالعدم تنظیم کے حامی ہونے کے الزام میں تشدد کرتے ہوئے اہل خانہ کے سامنے فوجی گاڑی میں ڈال کر صہیونی جیل انتظامیہ کے تفتیشی مرکز منتقل کر دیا۔
عینی شاہدین کے مطابق گذشتہ رات قابض فوج نے مقبوضہ فلسطین کے مشرقی حصے بیت المقدس میں الطور میں فلسطینی شہری محمد خالد خویس کے گھر پر رات گئے دھاوا بولا اور فلسطینی کے گھر کی تلاشی کے دوران ان پر بے بنیاد الزاماات لگاکر زدوکوب کیا جبکہ گھریلو سامان کو بھی تباہ کردیا اور بے گناہ فلسطینی کو ان کے اہل خانہ کے سامنے تشدد کرتے ہوئے فوجی گاڑی میں ڈال کے غیر قانونی اسرائیلی تفتیشی مرکز منتقل کیا ہے جہاں انہیں بد ترین تشدد کیا جارہا ہے۔
خیال رہے کہ قابض فورسز روزانہ کی بنیاد پرمقبوضہ مغربی کنارے اور بیت المقدس کے مختلف علاقوں میں چھاپے اور تلاشی کی پر تشدد کارروائیاں کرتی ہے جس کے نتیجے میںفلسطیبنی شہریوں کی املاک کو تباہ کیا جاتا ہے اوربے گناہ افراد کی گرفتاریاں ہوتی ہے ۔