(روزنامہ قدس ۔آن لائن خبر رساں ادارہ) غزہ میں صہیونی بلدیہ نے فوجی بلڈوزروں کی مدد سے فلسطینی کاشتکاروں کی زرعی اراضی کو ہموار کرکے کاشتکاری کیلئے ناکارہ بنادیا۔
ذرائع کے مطابق گزشتہ روز قابض صہیونی بلدیہ نے صیہونی فوجی بلڈوزروں کے ہمراہ مقبوضہ فلسطین کے محصور شہر غزہ میں سرحدی باڑ عبور کرکے رفح کے مشرقی حصے میں فلسطینی کاشتکاروں کی زرعی زمینوں کو ہموار کردیا جس کے باعث فلسطینیوں کی گزر بسر کے ذریعے کو مکمل طورپر تباہ کردیا۔
واضح رہے کہ صہیونی ریست میں قابض حکام کی جانب سے فلسطینی آبادی کو ان کے گھروں کی مسمار ی کے ذریعے انکی زمینوں سے بے دخل کیا جارہا ہے جبکہ فلسطینی زرخیز اراضی کو جہاں فلسطینی باشندے کاشت کاری کر کے اپنی گزر اوقات کا بندوبست کر تے ہیں صہیونی بلدیہ بھاری بلڈوزروں سے زمین برباد کر کے کاشت کاری کے لیے ناکارہ بنا رہی ہے۔