(روز نامہ قدس ۔آنلائن خبر رساں ادارہ )قابض فوج فلسطینی علاقے میں داخل ہونے میں ناکام رہی جبکہ فلسطینی باشندوں نے فوجی گاڑی کو گھریلو ساخت کے بم سے تباہ کردیا۔
ذرائع کے مطابق گزشتہ روز قابض صہیو نی فوج نے مقبوضہ فلسطینی علاقے العیسویہ میں رات کے آخری پہر گھیراؤ کر کے دراندازی کی کوشش کی جسے ناکام بناتے ہوئے فلسطینی باشندوں نے گلیوں کو رکاوٹیں لگاکر بند کیا اور گھروں کی چھتوں پر چڑھ کر صہیونی فوجی گاڑیوں کا نشانہ لیتے ہوئے پتھراؤ اور گھریلوں ساختہ پیٹرول بموں کی مدد سے صہیونی فوج کا فلسطینی علاقے میں داخلے کو ناکام بنادیا ۔
قابض فوج کے خلاف فلسطینی باشندوں کی جانب سے پھینکے گئے پیڑول بم کا نشانہ بنتے ہوئے علاقے میں داخل ہونے والی ایک صہیونی فوجی گاڑی دھماکے سے تباہ کردی گئی جس کے بعد قابض فوج نے فلسطینی علاقے میں داخل نہ ہونے میں اپنی عافیت سمجھی اور علاقے راہ فرار اختیار کی ۔