(روز نامہ قدس ۔آنلائن خبر رساں ادارہ ) بے گناہ فلسطینی نوجوان کو اس قبل بھی قابض فوج نے بغیر کسی جرم کے 4 برس غیر قانونی حراست میں قید رکھا تھا۔
قیدی کلب برائے اسیران کےمطابق صہیونی غیر قانونی انتظامی جیل سے 4 برس کی اسیری کی سختیاں جھیل کر 3 ماہ قبل آزادی پانے والے 31سالہ فلسطینی نوجوان احمد نوح حریش کی جانب سےدوبارہ حراست میں لیے جانے کے خلاف احتجاجی بھوک ہڑتال کو مسلسل تیسرے روز بھی جاری رکھا گیا ہے۔
قیدی کلب کے مطابق اسیر کے اہل خانہ نے بتایا ہے کہ احمد نے صہیونی عدالت سے دوسری بار اپنی بلا جواز گرفتاری پر رہائی کی درخواست کے مسترد کیے جانے کے بعد احتجاجی بھوک ہڑتال شروع کی ہے اور یہ بھوک ہڑتال رہائی تک جاری رہے گی۔
خیال رہے کہ قابض فوجی عدالت میں نوجوان کو دوبارہ قید کرتے ہوئے 42 ماہ کی سزا سنائی گئی ہے ۔