(روز نامہ قدس ۔آنلائن خبر رساں ادارہ ) غاصب ریاست اسرائیل کی جیلوں میں ہزاروں بے گناہ فلسطینی بغیر کسی جرم کے قید ہیں اور شب و روز صہیونی تشدد جھیل رہےہیں۔
ذرائع کے مطابق گذشتہ روز مقبوضہ بیت المقدس میں قابض فوج کی جانب سے فلسطینی باشندے شيرين الاعرج کو بغیر کسی جرم کے صہیونی غیر قانونی عدالت کے سامنے اس وقت گرفتار کرلیا گیا جب وہ وہاں سے گزر رہا تھا۔
قابض فورسز نے شيرين الاعرج کو پوچھ گچھ کے بہانے روکا اور تلاشی کےدوران تشدد کرتے ہوئے حراست میں لے لیا۔
واضح رہے کہ قابض ریاست میں روزانہ کی بنیاد پر صہیونی فوجی گاڑیاں فلسطینی علاقوں میں گشت کرتی ہیں اور بےگناہ فلسطینیوں کو مختلف بہانوں سےحراست میں لے کرصہیونی جیلوں میں زدوکوب کیا جاتا ہےجس کی ایک مثال شيرين الاعرج بھی ہے صہیونی فوج کا فلسطینی باشندوں پر بغیر کسی جرم کے تشدد کا سلسلہ تاحال جاری ہے۔