(روز نامہ قدس ۔آنلائن خبر رساں ادارہ ) عدالت نے مختلف بہانوں سے نوجوان کے مقدمے کی سماعت کو روکا جارہا ہے جس کے باعث قیدی کے خاندان کو شدیدزہنی اذیت کا سامنا ہے۔
ذرائع کے مطابق گذشتہ روز اسرائیلی عدالت میں مقبوضہ فلسطینی علاقے سلوان کے رہائشی فلسطینی قیدی محمدقعقور کے مقدمے کی سماعت کو بغیر وجہ کے اگلے ہفتے تک موخر کردیا ہے۔
صہیونی جیل انتظامیہ کی جانب سے خبر ملتے ہی نوجوان قیدی کے اہل خانہ اور علاقہ مکینوں کی جانب سے اسرائیلی غیر قانونی جیل انتظامیہ اور عدالت کے خلاف شدید نعرے بازی کا سلسلہ شروع ہوا اور قیدی کے خاندان کی جانب سے الزام عائد کیا گیا کہ قابض جیل انتظامیہ اور صہیونی عدلیہ کی ملی بگھت سے مظلوم فلسطینی کی سماعت کو بلا جواز روکنے کے دوران قیدی پر مسلسل تشددکیا جارہاہے۔
خیال رہے کہ صہیونی جیلوں میں قید متعدد فلسطینیوں کوقید کے دوران تشدد کا نشانہ بنایا جاتا ہے جبکہ اس سلسلے کو مزید طول دینے کے لیے غاصب صہیونی جیل انتظامیہ قیدیوں کے مقدمے کی سماعت کو بغیر کسی معقول وجہ کے ملتوی کرادیتی ہے اور تشددکا نشانہ بناتی ہے۔