(روزنامہ قدس ۔آن لائن خبر رساں ادارہ) صہیونی فوج نے الزام لگایا تھا کہ دونوں بچوں نے تیز دھار آلے سے اسرائیلی فوجیوں پر قاتلانہ حملہ کیا تھا۔
گزشتہ روز قابض صہیونی حکام نے مقبوضہ بیت المقدس کے علاقے العيزریہ سے تعلق رکھنے والے 15 سالہ حمودہ خضر الشيخ کو مسجد اقصیٰ کے باب السلسلہ کے قریب اسرائیلی فوجیوں پر تیز دھار آلے سے قاتلانہ حملہ کرنے کے الزام میں 10 سال قید کی سزا سنائی ہے ۔
واضح رہے کہ اسرائیلی فوج نے الزام عائد کیا تھا کہ 15 اگست 2019 کو دونوں فلسطینی بچے 15 سالہ حمودہ خضر الشیخ اور 12 سالہ نسیم ابو رومی نے مسجد اقصیٰ کے دروازے باب السلسلہ کے قریب تیز دھار آلے سے اسرائیلی فوجیوں پر قاتلانہ حملہ کیاجس کے نیتجے میں ایک فوجی شدید زخمی ہوگیا ہے۔
صہیونی فوج نے دونوں بچوں پر اندھا دھند فائرنگ کردی جسے کے نیتجے میں نسیم ابورومی خون بہہ جانے کے باعث جاں بحق ہوگیا ، زخمی ہونے کے بعد صہیونی فوج نے دونوں بچوں کو زخمی حالت میں پڑ ے رہنے دیا جس سے نسیم ابو رومی شہید جبکہ حمود خضر الشیخ شدید زخمی ہوگیا تھا۔