(روزنامہ قدس ۔آن لائن خبر رساں ادارہ ) صیہونی خفیہ ایجنسی کے سادہ لباس میں ملبوس اہلکاروں نے فلسطینی طالبعلم کو الرام شہر میں اس کے اسٹور سے اغواکرنے کے بعد نامعلوم مقام پر منتقل کردیا۔
عینی شاہدین کےمطابق سادہ لباس میں ملبوس صیہونی خفیہ ایجنسی کے اہلکاروں نے مقبوضہ بیت المقدس کے شمالی مشرقی شہر الرام میں فلسطینی طالبعلم عزالدین ابو صبیح کو اس کے اسٹور سے اغواء کیا اور نامعلوم مقام پر لے گئے ۔
ذرائع نے بتایا ہے کہ عزالدین ابو صبیح 2013 میں بھی ایک بار صیہونی خفیہ ایجنسی کے اہلکاروں کے ہاتھوں اغوا ہوا تھا جس کے بعد ایک سال بعد اس کی رہائی عمل میں آئی اور اس دوران اس کو صیہونی اہلکاروں کی جانب سے بدترین تشدد کا سامنا کرنا پڑا تھا ۔
واضح رہے کہ عزالدین ابو صبیح شہید مصباح کا بیٹا ہے جس کو صیہونی فوج نے 2016 میں شہید کرنے کے بعد ابھی تک شہید کے جسد خاکی کو لواحقین کے حوالے نہیں کیا ہے ، شہید کا جسد خاکی تاحال صیہونی حکام کی حراست میں ہے ۔