(روز نامہ قدس ۔آنلائن خبر رساں ادارہ ) قابض فوج پر چھریوں کے وار کے الزام میں بدنام زمانہ جیل دامون میں قید فلسطینی خاتون کو اس سے قبل بھی صہیونی فوج نے حراست میں لیا تھا۔
ذرائع کے مطابق گذشتہ روز قابض صہیونی ریاست میں مقبوضہ بیت المقدس کی رہائشی فلسطینی خاتون فدوی حمادہ جوکہ پانچ بچوں کی والدہ ہیں 70روز قبل صہیونی بدنام زمانہ جیل میں اس الزام کے تحت اسیر کی گئی تھیں کہ انہوں نے باب الاحوار کے قریب صہیونی فوج پر چھریوں کے وار کی کوشش کی تھی جس کی پاداش میں قابض فوج کی جانب سے انہیں مسلسل 70 ویں روز بھی صہیونی حراست میں نظر بند رکھا گیا ہے۔
اس سے قبل بھی فلسطینی خاتون کو صہیونی فوج کی جانب سے بے بنیاد الزامات لگاکر صہیونی حراست میں کچھ ماہ کی قید میں ڈالا گیا تھا تاہم الزامات ثابت نہ ہونے کی صورت میں رہاکر دیا گیا تھا ۔
واضح رہے کہ صہیونی دامون جیل میں قید فلسطینی خاتون انتہائی سخت مشکل اور غیر انسانی حالات میں زندگی بسر کررہی ہے اور یہ قید خانے صرف فلسطینی باشندوں کے لیے ہی مختص کیے گئے ہیں جن میں فلسطینی قیدیوں پر ظلم وجبر پر مبنی انتہائی دردناک سزائیں دی جاتی ہیں ۔