(روز نامہ قدس ۔آنلائن خبر رساں ادارہ ) عبرانی جریدے کے مطابق جو بائیڈن انتظامیہ کے ساتھ صہیونی حکام کی مقبوضہ بیت المقدس اور مغربی کنارے میں صہیونی آبادکاروں کے لیے مکانات کے منصوبے سے متعلق اہم پیش رفت ہوگی۔
عبرانی خبر رساں ادارے ھایوم نے گذشتہ روز صہیونی غاصب حکام کی جانب سے مقبوضہ بیت المقدس اور مغربی کنارے میں یہودی آبادکاروں کے لیے800 مکانات کی تعمیر کے حوالے سے منصوبےپر نئے امریکی صدر جو بائیڈن کی انتظامیہ کے ساتھ پیش رفت کا انکشاف کیا ہے۔
خبر رساں ادارے کے مطابق صہیونی حکومت مقبوضہ بیت المقدس کے مشرقی علاقے میں صیہونی تارکین وطن کے لیے مزید 530 گھروں کی تعمیر کی منظوری کے بعد اس منصوبےکو پایہ تکمیل تک پہنچانے کے لیےمنصوبے کے مندرجات امریکی صدر جو بائیڈن کی انتظامیہ کو پیش کرنے کا ارادہ رکھتی ہے۔
خیال رہے کہ صہیونی غیر قانونی اسرائیلی حکومت کے وزیر اعظم بنیامین نتن یاہو نے مغربی کنارے اور بیت المقدس میں صیہونیوں کے لیے 800 مکانات کی تعمیر کی منظوری دی ہےجن میں مقبوضہ بیت المقدس کے مشرقی علاقے میں صیہونی تارکین وطن کے لیے 530 گھر تعمیرکیے جائیں گے جبکہ 400 مکان جیلو نامی صہیونی کالونی میں تعمیر کیے جائیں گے۔