(روز نامہ قدس ۔آنلائن خبر رساں ادارہ ) قابض فوج کی جانب سے مظاہرین پر ربر میں لپٹی دھاتی گولیاں برسائی گئیں جس کا نشانہ بنتے ہوئے صحافی زخمی۔
ذرائع کے مطابق گزشتہ روز مقبوضہ فلسطین کے شہر الخلیل میں صہیونی آباد کاری کے خلاف فلسطینیوں کی جانب سے مظاہرہ کیا گیا جس میں شریک سینکڑوں فلسطینی باشندوں کی جانب سے صہیونی بلدیہ اور آبادکاروں کے خلاف نعرے بازی کی گئی جس کے نتیجے میں قابض فوج کی جانب سے مظاہرین کے احتجاج کومنتشر کر نے کے لیے ان پر ربر میں لپٹی دھاتی گولیاں برسائیں جس کا نشانہ بنتے ہوئے متعدد افراد سمیت آبادکاروں کے خلاف فلسطینی باشندوں کے مظاہرے کی کوریج کرنے والے ایک صحافی ساری جرادات بھی صہیونی فوج کی گولیوں کی زد میں آکر شدید زخمی ہوگئے ۔
اب تک کی موصول ہونے والی اطلاعات کے مطابق بیشتر زخمی ہونے والے فلسطینی باشندوں سمیت صحافی کو ہسپتال پہنچا دیا گیا ہے ۔