(روز نامہ قدس ۔آنلائن خبر رساں ادارہ ) قابض ریاست میں کوئی ایسا قانون موجود نہیں جو صہیونی مذہبی جنونی آباد کاروں کے ظلم سےفلسطینیوں کو محفوظ رکھ سکے۔
ذرائع کے مطابق گذشتہ شب قابض صہیونی ریاست میں صہیونی آبادکاروں نے رام اللہ اور نابلس کے علاقوں میں چوراہوں کا گھیراؤ کر کے فلسطینی باشندوں کی گاڑیوں پر پتھراؤ کیا جس کے نتیجے میں درجنوں گاڑیوں کو نقصان پہنچااور متعدد فلسطینی زخمی ہوئے جن میں ایک کمسن بچے کے شدید زخمی ہونے کی اطلاعات بھی موصول ہوئی ہیں۔
آباد کاروں کے پتھراؤ کا نشانہ بننے والے فلسطینی بچے کے اہل خانہ کی گاڑی پر غاصب فوج کی موجودگی میں صہیونی شرپسندوںکی جانب سے اس وقت حملہ کیا گیا جب وہ اس راہ سے گزر کراپنے گھرکی جانب جارہے تھے۔
حملے میں فلسطینی خاندان شدید زخمی ہوا تاہم بچے کی حالت نازک ہے۔