(روز نامہ قدس ۔آنلائن خبر رساں ادارہ ) قابض ریاست میں صہیونی آبادکاروں نے بڑے پیمانے پر فلسطینی اراضی پر پھیلے لاتعداد زیتون کے درختوں کو تباہ کر دیا۔
تفصیلات کےمطابق گذشتہ روز مقبوضہ فلسطین میں مغربی کنارے میں فلسطینیوں کی اراضی پر قبضہ کرکے بنائی گئی یہودی بستیوں کےصہیونی آباد کاروں کے گروپ نے قدیم تاریخی شہر الخلیل میں فلسطینیوں کے درجنوں زیتون کے درخت اکھاڑ پھینکے۔
یہودی شرپسندوں کے انتقامی حربوں کے نتیجے میں الخلیل کے غریب کاشت کاروں کو اتنی بڑی تعداد میں زیتون کے درختوں کی محرومی سے بھاری نقصان پہنچا ہے۔
واضح رہے کہ مقبوضہ فلسطین میںصہیونی آباد کاروں کی بڑی تعداد نے کچھ روز قبل بھی ایک حملے میں ڈیڑھ سو کے قریب درختوں کو آٰگ لگا دی تھی جس کے بعد صہیونی آباد کاروں کی جانب سے اسرائیلی فوج اور پولیس کی فول پروف سیکیورٹی میں فلسطینی املاک پرتاحال حملوں کا سلسلہ جاری ہے۔