(روزنامہ قدس ۔آن لائن خبر رساں ادارہ ) شرپسند صہیونی آبادکاروں نے فلسطینیوں کی ایک ہزار دونم زرعی اراضی کو آگ لگادی جس کے باعث زیتون کے درختوں سمیت کھڑی فصلیں جل کر خاک ہوگئیں۔
مقامی ذرائع کے مطابق گزشتہ روز مقبوضہ بیت المقدس کے شہر نابلس کے جنوبی علاقے میں غیر قانونی صہیونی آبادکاروں کے ایک گروہ نے فلسطینیوں کی زرعی اراضی کو آگ لگادی جس کے نتیجے میں ایک ہزار دونم زرعی زمین تباہ ہوگئی۔
عینی شاہدین نے بتایا کہ حملہ آور صہیونی آبادکار جدید اسلحہ سے لیس تھے جنہوں نے کھڑی فصلوں سمیت متعدد زیتون کے درختوں کو جلا کر راکھ کردیا ۔