(روز نامہ قدس ۔آنلائن خبر رساں ادارہ ) قابض فوج کا شام میں فضائی حملہ، رات گئے شامی علاقہ دھماکوں سے گونج اٹھا۔
شام کےسرکاری خبر رساں ادارے سانا کے مطابق گذشتہ شب شامی فضائیہ کے دفاعی طیاروں کی جانب سے حماہ کے علاقے میں قابض صہیونی فوجی جارحیت کا منہ توڑ جواب دیاگیا۔
سرکاری خبر رساں ادارے کےمطابق حماہ کے علاقے میں رات گئےدھماکوں کی آوازیں سنی گئیں تاہم خبر کے مطابق قابض فوج نے حماہ کے نواح میں کچھ اہداف کو نشانہ بناتے ہوئےلبنانی شہر طرابلس کی سمت سے میزائلوں کے ذریعےفضائی جارحیت کا آغاز کیا جس کا مقابلہ کرتے ہوئے شامی فضائیہ کے دفاعی عملے نے دشمن کےبیشتر میزائلوں کو فضا میں تباہ کردیا ۔
اب تک کی موصول ہونے والی اطلاعاتسے یہ واضح نہیں ہوسکا کہ اس حملے سےکتنا جانی یا مالی نقصان ہوا ہے۔