(روزنامہ قدس ۔آن لائن خبر رساں ادارہ) صیہونی حکام کی جانب سے فلسطینیوں کے گھروں کی مسماری کے بعد سیکڑوں فلسطینی خاندان پہاڑوں کے غاروں اور کھلے میدانوں میں پناہ لینے پر مجبورہیں۔
تفصیلات کےمطابق صیہونی حکام کی جانب سے فلسطینیوں کے مکانات اور املاک کی مسماری کی مہم جاری ہے جس کے تحت فسلطینیوں کے گھروں کو غیر قانونی قراردیتے ہوئے گرایا جارہا ہے ، گزشتہ ماہ نومبر میں 164 فلسطینی خاندانوں کو بے گھر کیا گیا ۔
164 گھروں میں رہنے والے سیکڑوں فلسطینی پناہ کی تلاش میں پہاڑوں کے غاروں اور میدانوں میں سر چھپانے پر مجبور ہیں ۔