(روزنامہ قدس ـ آنلائن خبر رساں ادارہ) قابض اسرائیلی فوج کے ریٹائرڈ جنرل اسحاق بریک نے المیادین کے ساتھ گفتگو میں کہا کہ غاصب تل ابیب نے آخری لمحات میں ٹرمپ کی مداخلت سے نجات پائی۔ جو بھی آج غزہ میں جنگ کے تسلسل کی بات کرتا ہے دراصل موت کے کمین کے بارے میں بات کر رہا ہے، جیسا کہ ایال زامیر قاتل فوج کے سربراہ نے کہا تھا۔
انہوں نے اعتراف کیا کہ غاصب فوج حماس کو شکست دینے اور طاقت کے زور پر قابض اسرائیلی قیدیوں کو آزاد کرنے میں ناکام رہی۔ ناجائز صہیونی حکومت نے عالمی حمایت کھو دی اور اب اپنے سامنے موجود خطرات کا مقابلہ نہیں کر سکتی۔
قابض جنرل بریک نے کہا کہ جنگ ختم ہو چکی ہے اور حماس کبھی بھی غیر مسلح نہیں ہوگی۔
اسی سلسلے میں عبرانی صحافی اور مصنف حاییم لیونسون نے بھی اعتراف کیا کہ حماس نے ایک منظم تنظیم کی طرح مزاحمت کی اور یہ ایک حقیقت ہے۔ یہ تنظیم مکمل طور پر برقرار ہے اور پچھلے دو سالوں کے دوران ختم نہیں ہوئی۔
