(روزنامہ قدس ـ آنلائن خبر رساں ادارہ) عرب میڈیا کے مطابق ظالم و جابر اسرائیلی فوج نے پیر کے روز النصر اسپتال کو نشانہ بنایا اور اس حملے میں ڈیوٹی پر موجود چار صحافیوں سمیت پندرہ افراد کی شہادت ہوئی۔
رپورٹ میں بتایا گیا ہے کہ شہید ہونے والے صحافیوں میں غیرملکی خبرایجنسی رائٹرز کا کیمرامین حسام المصری، امریکی خبرایجنسی ایسوسی ایٹڈپریس اور برطانوی اخبار دی انڈیپینڈنٹ کی نامہ نگار مریم ابودقہ، امریکی ٹی وی این بی سی نیٹ ورک کا صحافی ابوطحٰہ اور الجریزہ کے فوٹو جرنلسٹ محمدسلامہ شامل ہیں۔
رپورٹ کے مطابق چار مزید صحافیوں کی شہادت کے بعد غزہ میں اکتوبر 2023 سے صہیونی فوجی حملوں میں شہید ہونے والے صحافیوں کی تعداد اب دو سو چوالیس ہوگئی ہے۔
