(روزنامہ قدس ۔آن لائن خبر رساں ادارہ) صیہونی فوجی عدالت نے مزید آٹھ فلسطینی باشندوں کو گھروں میں نظر بند کرنے کا حکم دے دیا ہے اس سے قبل سات فلسطینی نوجوانوں کو نظر بند کیا گیا تھا ۔
قابض صہیونی فوج کی جانب سے نہتے فلسطینیوں کے خلاف کریک خلاف انتقامی کارروائیوں کے ساتھ مظالم کا نہ رکنے وال سلسلہ جاری ہے، گذشتہ روز قابض اسرائیلی فوج نے مقبوضہ بیت المقدس کے رہائشی مزید آٹھ فلسطینی نوجوانوں کو گھروں میں نظر بند کرنےکے احکامات جاری کیئے ہیں ۔
صیہونی فوجی عدالت نے رواں ماہ مجموعی طور پر 15 فلسطینیوں کو گھروں میں نظر بند کرنے کا حکم دیا ہے ا س سے قبل مقبوضہ بیت المقدس کے قصبے العیسویہ سے تعلق رکھنے والے ساتھ فلسطینی نوجوانوں کوچھ اور تین ماہ کیلئے گھروں میں نظر بند کرنے کے احکامات جاری کئے گئے تھے ۔
گزشتہ روز جن فلسطینی نوجوانوں کو گھروں میں نظر بند کرنے کا حکم دیا گیا ان کی شناخت فائز محمد محیسن،آدم کاید محمود، ندیم محمد الصفدی، محمد موسیٰ مصطفیٰ، محمد علیان علیان، صالح ابو عصب اور نضال فروخ کے ناموں سے کی گئی ہے۔