(روز نامہ قدس ۔آنلائن خبر رساں ادارہ ) صہیونی فوج کا مسجد اقصٰی کے نمازیوں پر رمضان المبارک کے ساتویں دن بھی مسلسل حملے جاری ،اور امت مسلمہ خاموش ہے۔
تفصیلات کے مطابق گذشتہ روز مقبوضہ بیت المقدس میں صہیونی فوج نے مسلمانوں کے مقدس مہینے رمضان المبارک کے ساتویں دن بھی مسجد اقصٰی کے نمازیوں پر اس وقت حملہ کیا جب وہ نماز تراویح ادا کرنے کے بعد مسجد سے نکل رہے تھے۔
عینی شاہدین نے بتایا کہ اسرائیلی فوجیوں نے نمازیوں پر دستی بم پھینکے اور انہیں مارا پیٹا جبکہ شر پسند صہیونی آباد کاروں نے فوج کی سر پرستی میں فلسطینی عبادت گزاروں پر گندا پانی پھینکااورشر انگیزی پھیلائی۔
ایک اور مقام پر صہیونی آباد کاروں کے ایک گروپ نے یافا کے مقام پر فلسطینی نو جوانوں پر حملہ کیااور نہتے فلسطینیوں پر لاٹھیاں برسائیں جس سے القدس کے بہت سے شہری بری طرح زخمی ہوگئے جنہیں اپنی مدد آپ کے تحت فلسطینی باشندوں نے قریبی ہسپتال منتقل کیا۔