(روز نامہ قدس ۔آنلائن خبر رساں ادارہ ) صیہونی فوجیوں کی جانب سے جبری گرفتاریوں کے خلاف فلسطینی نوجوانوں نے احتجاج کرتے ہوئے قابض فوج پر سنگ باری کی،
مقامی ذرائع کے مطابق رمضان المبارک کے مقدس مہینےن کےآغاز میں ہی قابض صیہونی فوج نے روایتی ریاستی دہشتگردی کا مظاہرہ کرتےہوئے فلسطینیوں کے گھروں میں لوٹ مار کا سلسلہ جاری رکھا، اسرائیلی فوج نے پہلے دن مغربی کنارے کے مختلف علاقوں مں چھاپے مارے اوردرجنوں فلسطینیوں کو گرفتار اور زخمی کردیا۔
قابض فوج نے مقبوضہ بیت المقدس کے مشرقی شہر نابلس میں تلاشی کے نام پر گرفتاریاں شروع کیں، جس کے خلاف فلسطینی نوجوانوں نے قابض فوجیوں پر سنگ باری کی اسرائیلی فوجیوں نے مشتعل نوجوانوں کو منتشر کرنے کیلئے آنسو گیس کی شیلنگ کی جس سے متعددافراد زخمی ہوگئے۔
قابض فوجیوں نے مقبوضہ بیت المقدس کے شہر اریحا میں عقبت جابر پناہ گزین کیمپ کے مقام پر بھی فلسطینیوں کے گھروں میں تلاشی کے نام پر روایتی لوٹ مار کی جس کے خلاف فلسطینی نوجوانوں نے قابض فوج پر سنگ باری اور پیٹرول بموں سے حملہ کیا، جھڑپوں میں قابض فوج کی ایک گاڑی کو نقصان پہنچا جس کے بعد اسرائیلی فوج نے بڑے پیمانے پر گرفتاریوں کا سلسلہ شروع کیا اور درجنوں فلسطینیوں کو گرفتارکرلیا۔