(روز نامہ قدس ۔آنلائن خبر رساں ادارہ ) اقوام متحدہ کی کمیٹی برائے انسانی امور نے کہا ہے کہ صیہونی ریاست کی جانب سے فلسطینیوں کی املاک کو غیر قانونی قراردیتے ہوئے منظم مسماری ناقابل قبول ہے، اسرائیلی فوج مسلسل فلسطینیوں کو بے گھر کرنے کی پالیسی پر عمل پیرا ہے۔
اقوام متحدہ کی کمیٹی برائے انسانی امور کی رابطہ تنظیم (او سی ایچ اے)”اوچا” کی "شہریوں کے تحفظ” عنوان سے جاری رپورٹ میں انکشاف کیا گیا ہے کہ قابض صیہونی فوج نے 2 مارچ سے 15مارچ کے درمیان گذشتہ دوہفتوں کے دوران مقبوضہ بیت المقدس کے مختلف علاقوں میں فلسطینیوں کی ملکیت 26 عمارات کو غیر قانونی قراردیتے ہوئے مسمار کردیا ہے اور اپنی تحویل میں لے لیا ہے جس کے نتیجے میں 24 بچوں سمیت 42 افراد کو بے گھر کردیا گیا اور 120 بالواسطہ اس سے متاثر ہوئے ہیں۔
قابض ریاست کی جانب سے فلسطینیوں کے خلاف انہدامی کارروائو ں پر رپورٹ میں مزید کہا گیا ہے کہ صیہونی ریاست کی جانب سے منظم مسماری کی کارروائیاں غیر قانونی ہیں اور ناقابل قبول ہیں، رپورٹ میں مزید کہا گیا ہے کہ اسرائیل فلسطینیوں کو بے گھر کرنے کی پالیسی پر عمل پیرا ہے۔