(روزنامہ قدس ۔آن لائن خبر رساں ادارہ) غزہ سے مزاحمت کے خوف میں مبتلا صیہونی ریاست نے غزہ کے سرحدی علاقوں میں بھی امریکا سے درآمد شدہ جدید ترین دفاعی نظام نصب کردیا۔
قابض ریاست کے عبرانی میڈیا کے مطابق صیہونی فوج نے غزہ سے راکٹ حملوں کے خوف سے مشرقی اور شمالی غزہ کے سرحدی علاقوں میں امریکا سے درآمد شدہ فضائی دفاعی نظام آئرن ڈوم کو نصب کردیا ہے ۔
عبرانی نیوز ویب سائٹس نے اپنی رپورٹ میں دعویٰ کی اہے کہ آئندہ ماہ اسرائیل میں ہونے والے کنیسٹ کے انتخابات کے موقع پر غزہ کی پٹی سے بڑے حملوں کے خدشے کے پیش نظر فضائی دفاعی نطام آئرن ڈوم کی تنصیب کی گئی ہے ۔
واضح رہے کہ یہ پیشرفت ایک ایسے وقت میں سامنے آئی ہے جب امریکی صدر ڈونلڈ ٹرمپ کی جانب سے مشرق وسطیٰ میں امن کیلئے نام نہاد امن منصوبہ ‘صدی کی ڈیل’ پیش کیا گیا جس کو فلسطینیوں نے یکسر مسترد کیا جس کے بعد فلسطینیوں اوراسرائیلی ریاست کے درمیان کشیدگی پائی جا رہی ہے،حالیہ ایام میں فلسطین کے علاقے غزہ کی پٹی سے اسرائیلی ریاست پر 10 میزائل حملے کیے۔