(روز نامہ قدس ۔آنلائن خبر رساں ادارہ ) حماس کا کہنا ہے کہ فلسطینی انتخابات میں جماعت کی جانب سے جمع کرائی گئی انتخابی فہرست "القدس ہماری منزل” پر اعتراض پر سنٹرل الیکشن کمیشن نے مثبت جواب دیا ہے۔`
مقبوضہ فلسطین میں صیہونی مظالم کے خلاف برسرپیکار اسلامی مزاحمتی تحریک حماس کے انتخابی مہم کے سربراہ محمد المدھون نے سنٹر ل الیکشن کمیشن کی جانب سے حماس کے اعتراض پر مثبت ردعمل کی تعریف کرتےہوئے کہا ہے کہ ہم قانونی اعتراض پر کمیٹی کی جانب سے ہم آہنگی کو سراہتے ہیں۔
انھوں نے کہا کہ حماس کی جانب سے فلسطینی قومی کونسل کے انتخابات کے پہلے مرحلےمیں کسی بھی قسم کا کوئی اعتراض پیش نہیں کیا گیا، حماس تمام فلسطینی دھڑوں کے مابین مسابقتی ماحول فراہم کرنے کی اہمیت پر یقین رکھتی ہے اور تمام امیدواروں کا احترام کرتی ہے۔
محمد المدھون نے فلسطینی کے علاقوں بالخصوص بیت المقدس میں انتخابات کے انعقاد کی اہمیت پر زور دیتے ہوئے کہا کہ مقبوضہ فلسطین میں انتخابات کا انعقاد فلسطینی قوم کے درمیان اتحاد کا موجب ہے اور ہم انتخابات میں کامیابی کے لئے سخت محنت کررہے ہیں۔