(روز نامہ قدس ۔آنلائن خبر رساں ادارہ) اسرائیلی میڈیا نے بتایا کہ ایک میزائل تل ابیب کے بین گوریون بین الاقوامی ہوائی اڈے پر بھی گرا ہے۔ تھوڑی دیر پہلے، ٹیلیگرام پر اسرائیلی پلیٹ فارمز نے تل ابیب کے بین گوریون ہوائی اڈے کے قریب دھوئیں کے بادل اٹھتے ہوئے مناظر نشر کیے تھے۔
2024 کے پہلے نو مہینوں میں تل ابیب کے بین گوریون بین الاقوامی ہوائی اڈے پر مسافروں کی تعداد میں 43 فیصد کمی واقع ہوئی، کیونکہ غزہ پر اسرائیل کی جنگ کے اثرات، جو کہ 7 اکتوبر 2023 سے جاری ہے، کے مطابق، ایئر لائنز نے پروازیں واپس لینے یا کم کرنے پر آمادہ کیا۔ بلومبرگ
حزب اللہ نے صیہونی ریاست اسرائیل کے خلاف جاری خیبر آپریشن کے ایک حصے ممیں آج دوپہر 12 بجے، صیہونی ریاست کے دارالحکومت تل ابیب کے جنوب میں بین گوریون ہوائی اڈے کے قریب واقع "اسرائیلی فوجی صرفین” بیس 188ویں بریگیڈ کے بکتر بند بریگیڈ کا ہیڈکوارٹر کو نشانہ بنایا، اس بیس میں فوجی تربیتی کالج بھی شامل ہے۔
صیہونی ریاست کی جانب سے جاری بیان میں حملے کا اعتراف کیا گیا ہے تاہم اس حملے میں کسی جانی نقصان کی اطلاع نہیں دی گئی ہے۔
واضح رہے کہ اسرائیلی حکومت کی جانب سے مزاحمت کاروں کے ہاتھوں اسرائیلی فوج کو ہونے والے نقصان کی تفصیلات شائع کرنے پر سخت سنسر شپ عائد ہے جس کے باعث اسرائیلی فوج کوہونے والے نقصانات کی تفصیلات منظر عام پر نہیں آتی ہیں۔