(روز نامہ قدس ۔آنلائن خبر رساں ادارہ )فلسطینی مزاحمتی تنظیم اسلامی جہاد کے وفد نے روسی نائب وزیر خارجہ کو مقبوضہ فلسطین کی اندرونی صورت حال اور قابض صہیونی دشمن کے مظالم اور آئندہ صدارتی انتخابات کے حوالے سے تفصیلی تبادلہ خیال کیا۔
فلسطینی ذرائع ابلاغ کے مطابق مقبوضہ فلسطین میں صیہونی ریاستی دہشتگردی کے خلاف برسرپیکار فلسطینی مزاحمتی تنظیم اسلامی جہاد کے اعلیٰ اختیاراتی وفد نے جماعت کے سیکریٹری جنرل زیاد النخالہ کی قیادت میں روس کا دورہ کیا ہے اور روسی نائب وزیر خارجہ اور مشرق وسطیٰ کے لیے خصوصی مندوب میخائل بوگدانوف سے ملاقات کی ہے جس میں صیہونی ریاستی دہشتگری ،فلسطینیوں کے گھروں اور املاک میں لوٹ مار سمیت رہائیشوں کی بغیر کسی جرم کے انتظامی حراست کی غیر قانونی پالیسی کے تحت طویل ترین قید پر بات کی گئی، اس موقع پر اسلامی جہادکے رہنماؤں نے کہا کہ خطے کا اصل مسئلہ اسرائیلی ریاست کا وجود ہے، خطے میں پاییدار امن کے قیام کے لیے قابض صہیونی ریاست کے ہاتھوں غصب کیے گئے حقوق فلسطینی قوم کو دلانا ناگزیر ہے۔
روسی نائب وزیر خارجہ میخائل بوگدانوف نے فلسطینی قوتوں کے درمیان اتحاد اور یکجہتی کی ضرورت پر زور دیتے ہوئے کہا کہ روس فلسطینی قوتوں کو متحد کرنے کے لیے اپنی کوششیں جاری رکھے گا۔