(روز نامہ قدس ۔آنلائن خبر رساں ادارہ ) ترک صدر رجب طیب اردگان نے کوسوو کے نئے وزیر اعظم سے کہا ہے کہ وہ مقبوضہ بیت المقدس میں حالیہ سفارتخانے کے افتتاحی منصوبے پر نظر ثانی کریں۔
تفصیلات کے مطابق ترک صدر رجب طیب اردگان نے رواں ہفتے کوسوو کے نئے وزیراعظم البن کرتی کو وزارت عظمیٰ کا عہدہ سنبھالنے پر مبارکباد ی مراسلہ ارسال کیا جس میں انھوں نے وزیراعظم کو مشورہ دیا ہے کہ وہ مقبوضہ بیت المقدس میں اپنے سفارتخانے کو کھولنے کے منصوبے پر نظر ثانی کریں بصورت دیگر مستقبل میں کوسوو کی حکومت کے ساتھ ترکی کے تعلقات کو نقصان پہنچے کا اندیشہ ہے ۔
یکم فروری کو کوسوو نے قابض صیہونی ریاست اسرائیل کے ساتھ سفارتی تعلقات قائم کرنے کے بعد مقبوضہ بیت المقدس میں اپنا سفارتخانہ کھولنے کا اعلان کیا تھا ۔
ترک صدر نے اپنے پیغام میں کوسوو کو متنبہ کرتےہوئے کہا ہے کہ سفارت خانوں کو مقبوضہ بیت المقدس منتقل کرنے سے متعلق یوروپی یونین کا مؤقف واضح ہے، یوروپی یونین کے تمام ممالک کے تمام سفارت خانے اور ہائی کمیشن صیہونی ریاست کے شہر تل ابیب میں واقع ہیں۔