(روزنامہ قدس ۔آن لائن خبر رساں ادارہ) مسجدابراہیمی پر اسرائیلی وزیرکے دھاوے اور مسجد میں مذہبی رسومات کی ادائیگی کے بعد سے صیہونی فوج کی جانب سے مسجد کا محاصرہ جاری ہے اور کسی مسلمان کو مسجد میں داخل ہونے کی اجازت نہیں ہے۔
مقامی ذرائع کے مطابق گزشتہ روز اسرائیلی وزیردفاع اور فوج کے اعلیٰ حکام کی جانب سے مسجد ابراہیمی پر دھاوے اور مذہبی رسومات کی ادائیگی کے بعد سے قابض صہیونی فوج نے مسجد کا محاصرہ کیا ہوا ہے ۔
اسرائیلی فوج کی بھاری نفری نے مسجد ابراہیمی کوملانے والی شاہراہ اوراہم مقامات پر بھی رکاوٹیں لگا کر بند کردیا ہے جس کے بعد مسجد کی طرف آنے والے راستے پر نمازیوں اور صحافیوں کو بھی جانے کی اجازت نہیں ہے ۔
مسجد ابراہیمی کے ڈائریکٹر حفظی ابواسنینہ نے بتایا کہ اسرائیلی فوج کی جانب سے مسجد ابراہیمی میں دو دنوں تک نمازوں کی اجازت نہیں دی جائے گی۔