(روز نامہ قدس ۔آنلائن خبر رساں ادارہ )مقبوضہ کشمیر میں بھارتی اپوزیشن پارٹی کانگریس کے رہنما سلمان نظامی نے بھارتی جنتا پارٹی کے کشمیر میں غیر قانونی اقدامات کو نیشنل ٹی وی پر بیان کرکے مودی کے نسل پرستانہ اور دہشتگردانہ عزائم کا پردہ چاک کردیا۔
ایک مقامی ٹی وی چینل پر اپنے خیالات کا اظہار کرتے ہوئے سلامان نظامی نے کہا ہے کہ پی جے پی نے مقبوضہ کشمیر کے حالات کو پہلے سے بھی زیادہ بد ترکردیا ہے بی جے پی نے دانستہ کشمیریوں سے ان کی زمین چھینی پھر ان کا روزگار چھینا ہم کہتے ہیں کہ ایک قوم اور ایک ہی قانون لوگو کریں لیکن وہ قانون جو مقبوضہ کشمیر میں لاگو کیا گیا ہے وہ ہماچل ، آسام اور ناگا لینڈ میں کیوں نہیں لاگو کیا گیا ۔
انھوں نے کہا کہ بی جے پی آہستہ آہستہ ہم سے جینے کا حق بھی چھین رہی ہے یہ امتیازی سلوک ہے جو صر ف کشمیریوں کے ساتھ کیا جارہا ہے بی جے پی کشمیریوں کے خلاف ہے۔