(روزنامہ قدس ۔آن لائن خبر رساں ادارہ) کورونا کے باعث جاں بحق ہونے والوں کی سب سے زیادہ تعداد امریکا میں ہے جہاں 28 فلسطینی اس وباء کا شکار ہوکر انتقال کرگئے ہیں جبکہ گزشتہ روز مزید تین فلسطینی تارکین وطن کے کورونا کے شکار ہونے کی تصدیق کی گئی ہے۔
فلسطینی وزارت خارجہ کی طرف سے جاری کردہ رپورٹ میں بتایا گیا ہے کہ بیرون ملک دنیا بھر میں کرونا سے اب تک 74 فلسطینی جاں بحق اور 1355 بیمار ہوچکےہیں۔ فلسطینیوں کی سب سے زیادہ ہلاکتیں امریکا اور یورپی ممالک میں ہوئی ہیں۔گذشتہ روز امریکی ریاست مشی گن میں مقیم 70 سالہ فلسطینی خاتون زکیہ محمد سعید نصارکورونا وائرس سے متاثر ہوکر دم توڑ گئیں جس کے بعد صرف امریکا میں کورونا وائرس کے باعث جابحق فلسطینیوں کی تعداد 28 ہوگئی ہے اور 720 فلسطینی کورنا کا شکار ہوکر اسپتال میں داخل ہیں ۔
متحدہ عرب امارات میں کورونا کا شکار ہونے والے فلسطینیوں کی تعداد 23 ہوگئی ہے۔ پانچ فلسطینی کورونا سے فوت ہوئے ہیں جبکہ چھ صحت یاب ہوئے ہیں۔
مصری حکومت نے کل منگل سے فلسطینی فلسطینیوں رفح کراسنگ کے راستے غزہ میں داخل ہونے کی اجازت دے دی ہے۔ رفح گذرگاہ بیرون ملک پھنسے فلسطینیوں کی واپسی کے لیے جمعرات تک کھلی رہے گی۔قطر اور ترکی میں بھی فلسطینی تارکین وطن کی کرونا سے بچائو اور ان کی بحالی کے لیے اقدامات کیے گئے ہیں۔