(روز نامہ قدس ۔آنلائن خبر رساں ادارہ ) اسرائیلی وزیردفاع کا کہنا ہے کہ فلسطینیوں کو بھی آزادی سے رہنے کا حق ہے تاہم اسرائیل 1967 کی سرحدوں میں واپس نہیں جائے گا۔
سعودی اخبار الشرق الأوسط کو دیئے گئے خصوصی انٹر ویو میں حکومتی اتحادی پارٹی بلیو اینڈ وائٹ کے سربراہ اسرائیلی وزیردفاع اور سابق اسرائیلی آرمی چیف بینی گینٹز کا کہنا ہے کہ بیت المقدس ایک ایسا شہر ہے جو ہم سب کیلئے مقدس ہے اور فلسطینیوں کو علاقائی تسلسل کے ساتھ ‘آزادانہ طور پر انا "وجود” برقرار رکھتے ہوئے زندہ رہنے کا مکمل حق حاصل ہے ۔
انھوں نے کہا کہ القدس میں اسرائیلیوں کے ساتھ فلسطینیوں کو بھی فلسطینی دارالحکومت کیلئے جگہ موجود ہے تاہم اسرائیل ‘1967 کی سرحدوں پر واپس نہیں آئے گا’۔
انھوں نے کہا کہ ہم اسرائیل او رفلسطین کے درمیان تنازع کے حل کے بغیر مشرقی وسطیٰ میں امن حاصل نہیں کرسکتے لیکن اس کے ساتھ ساتھ ہم ‘ 1967 کے بعد قبضے میں لئے گی سرحدوں پر دستبردار نہیں ہوگا تاہم فریقین کسی سمجھوتہ تک پہنچ سکتے ہیں۔