(روزنامہ قدس ۔آن لائن خبر رساں ادارہ) قابض صیہونی فوج کے فلسطینیوں کے گھروں پر چھاپے ،لوٹ مار اور تشدد کے بعد تین سگے بھائیوں سمیت گیارہ فلسطینیوں کو گرفتار کرکے نامعلوم مقامات پر منتقل کردیا۔
مقامی ذرائع کے مطابق قابض صیہونی فوج نے مقبوضہ مغربی کنارے کے شہروں رام اللہ اور جنین کے مختلف علاقو ں میں فلسطینیوں کے گھروں میں چھاپہ مارکارروائیاں کی ،روایتی لوٹ مار اور رہائیشوں پر تشدد کے بعد کم سے کم گیارہ فلسطینیوں کو گرفتارکیا گیا ۔
قابض فوج نے مقبوضہ بیت المقدس کے شہررام اللہ میں المغیر کے مقام پر گلہ بان تین سگے بھائیوں کو بلا جواز گرفتار کیا ، غرب اردن کے شمالی شہر جنین میں تین سابق اسیران امجد حمارشہ، ندیم ترکمان اور مناضل انفیعات کو یعبد کے مقام سے حراست میں لے لیا۔