(روز نامہ قدس ۔آنلائن خبر رساں ادارہ )دنیا بھر کے کشمیری اورلائن آف کنٹرول کے دونوں اطراف کے کشمیری 26 جنوری کوبھارت کے یوم جمہوریہ کو یوم سیاہ کے طور پر منائیں گےتاکہ دنیابھارت کی جانب سے کشمیریوں کےحق خود ارادیت کو ضبط کیےجانےکے مسلسل انکار کا نوٹس لے، میر واعظ عمر فاروق
ذرائع کے مطابق مقبوضہ جمو ں وکشمیر میں آج آل پارٹیز حریت کانفرنس، میر واعظعمر فاروق کی زیرقیادت حریت فورم اور دیگر حریت تنظیموں کی جانب سے بھارت کے یوم جمہوریہ کو یوم سیاہ کے طور پرمنانے کی اپیل کی گئی ہے۔
مقبوضہ جموںوکشمیرمیں آج کے دن مکمل ہڑتال کی گئی ہے جبکہ آزادکشمیر اور پاکستا ن سمیت دنیا بھر میں جہاں جہاں کشمیری بستے ہیں بھارت مخالف مظاہروں اور ریلیوں کا انعقاد کیا گیا ہےتاکہ دنیا کو ایک مضبوط پیغام دیا جاسکے کہ بھارت کشمیریوں کے بنیادی حقوق پر قبضہ کرنے والا غاصب ملک ہےجس نے کشمیریوں کا حق خود ارادیت چھینا ہے اورانہیں آزادی دینے سے انکاری ہے جبکہ مسلسل ظلم وجبر کے ذریعے کشمیر یوں پر حکومت کرنا چاہتاہے۔
آل پارٹیز حریت کانفرنس کی قیادت میں دی گئی ہڑتال کی کال پر سری نگر ، پلوامہ ، ترال ، کولگام ، اسلام آباد ، شوپیاں ، کپواڑہ ، ہندوار ، بانڈی پور اور دیگر علاقوں میں مکمل ہڑتال رہی جبکہ مکانات ، دکانوں اور دیگر عمارتوں کی چھتوں پر کالے جھنڈے لہرا ئےجائیں گے۔