(روزنامہ قدس ۔آن لائن خبر رساں ادارہ) قابض بھارتی فوج نے اکتوبر1947کے بعد سے 35لاکھ سے زائد کشمیریوں کو آزاد کشمیر، پاکستان اور دنیا کے دیگر حصوں میں ہجرت کرنے پر مجبور کیا۔
کشمیر میڈیا سروس کی جانب سے جاری رپورٹ میں انکشاف کیا گیا ہے کہ مقبوضہ کشمیر میں 73 سالوں سے قابض بھارتی فوج نے ظلم اور بربریت کا بازار گرم کررکھا ہے اور اس عرصے کے دوران 4 لاکھ سے زائد بے گناہ کشمیریوں کو شہید کردیا ہے جس میں مقبوضہ جموں کے ڈھائی لاکھ سے زیادہ کشمیری شامل ہیں ۔
قابض بھارت نے 35 لاکھ کشمیریوں کو جبری بےدخل کیا۔قابض بھارت نے مقبوضہ وادی میں 15 لاکھ سے زیادہ بھارتی فوجیوں کو تعینات کیا ہوا ہے۔