(روز نامہ قدس ۔آنلائن خبر رساں ادارہ ) قابض صیہونی فوجی عدالت نے بغیر کسی جرم کے گرفتار فلسطینی نوجوان کی مدت حراست میں چوتھی مرتبہ چار ماہ کی توسیع کردی ہے۔
فلسطینی قیدیوں کی تفصیلات فراہم کرنے والے ادارے کی جانب سے جاری کردہ رپورٹ میں بتایا گیا ہے کہ قابض صیہونی ریاست کی فوجی عدالت نے 9 دسمبر 2019 میں مقبوضہ بیت لحم کے علاقے السفر اسٹریٹ سے حراست میں لئے گئے فلسطینی نوجوان رعدہ صادق کو ایک بار پھر آئندہ چار ماہ کیلئے انتظامی حراست کی غیر قانونی پالیسی کے تحت قید میں توسیع کردی ہے، رعدہ صادوق بغیر کسی جرم کے صیہونی زندانوں میں قید ہے اور چوتھی مرتبہ اس کی مدت حراست میں چار ماہ کی توسیع کی گئی ہے ۔