(روز نامہ قدس ۔آنلائن خبر رساں ادارہ )فلسطینی مزاحمتی تنظیم اسلامی تحریک کے بزرگ فلسطینی رہ نما کی ممکنہ گرفتاری کے خلاف ان کی حمایت کے لیے کام کرنے والی تنظیموں نے پھر پور اظہار یکجہتی کا اعلان کیا ہے۔
مقبوضہ فلسطین کے مختلف علاقوں م یں بسنے والے فلسطینیوں نے قابض صیہونی ریاست کی فوجداری عدالت کے حکم پر بزرگ فلسطینی رہ نما اور اسلامی تحریک کے امیر الشیخ راید صلاح کو آئندہ پچیس مارچ کو حراست میں لیا جائے گا اورانہیں الجلمہ جیل میں ڈالے جانے کی خبروں پر اپنے ردعمل میں احتجاجی مظاہروں میں حصہ لینے اور الشیخ راید صلاح کے ساتھ مکمل یکجہتی کے اظہار کی مہمات میں حصہ لینے پر زور دیا ہے۔
فلسطینی شہریوں بالخصوص الشیخ راید صلاح کی حمایت کے لیے کام کرنے والی تنظیموں کی طرف سے فلسطینی شہریوں سے کہا گیا ہے کہ وہ 25 مارچ بہ روز بدھ کو الشیخ راید صلاح کی حمایت کے لیے گھروں سے نکلیں اور ان کے خلاف ہونے والے اسرائیلی ریاست کے نام نہاد مقدمات کو مسترد کریں۔
واضح رہے کہ الشیخ راید صلاح ان پر اسرائیل کی سلامتی کے خلاف تقاریر کرنے اور صہیونی ریاست کے خلاف بغاوت اور نفرت پراکسانے سمیت کئی دوسرے الزامات ہیں۔ فروری کے اوائل میں اسرائیلی عدالت نے ام الفحم میں گھر پرنظر الشیخ راید صلاح کو 28 ماہ قید کی سزا کا حکم دیا تھا۔ ان میں سے وہ گیارہ ماہ سزا پہلے کاٹ چکےہیں جبکہ انہیں مزید 17 ماہ قید کی سزا کے تحت حراست میں لیا جائے گا۔