(روز نامہ قدس ۔آنلائن خبر رساں ادارہ ) قابض صیہونی فوج نے ایک ماہ کے دوران کم سے کم 95 بچوں اور 11 خواتین سمیت 470 سے زائد فلسطینی باشندوں کو انتظامی حراست اور نام نہاد چھاپوں میں گرفتار کیا۔
فلسطینی قیدیوں کی تفصیلات فراہم کرنے والے اداراے اور انسانی حقوق کے ادارے الضمیر فاؤنڈیشن کی جانب سے جاری مشترکہ رپورٹ میں انکشاف کیا گیا ہے کہ قابض صیہونی فوج نے رواں سال فروری 2020ء کے دوران نام نہاد چھاپوں ، گھر گھر تلاشی اور انتظامی حراست کی غیر قانونی پالیسی کے تحت کم سے کم 95 بچوں (جن میں سے زیادہ تر کی عمریں اٹھارہ سال سے بھی کم ہے ) 11 خواتین سمیت 470 سے زائد فلسطینی باشندوں کو گرفتارکیا ۔
گرفتارکیئے جانے والوں میں 156 کا تعلق مقبوضہ بیت المقدس سے ، 120،کو الخلیل کو 49رام اللہ سے ، 37کو جنین سے ، 24کو بیت لحم سے، 16کو نابلس سے، 10کو طولکرم سے، 25 کو قلقیلیہ سے2کو طوبا سے ، 2کو سفلیت سے، 21کو اریحا سے اور 9کو غزہ سےسے گرفتارکیا گیا ۔
واضح رہے کہ قابض صیہونی فوج کے زندانوں اور عقوبت خانوں میں قید فلسطینیوں کی تعداد 5 ہزارسے زائد ہےجن میں 43 خواتین، 180 بچے، 430 انتظامی قیدی شامل ہیں۔