(روز نامہ قدس ۔آنلائن خبر رساں ادارہ ) رپورٹ کے مطابق گزشتہ ماہ مارچ کے دوران صہیونی خفیہ ایجنسیوں سمیت صہیونی فوج کے ہاتھوں آئندہ ماہ قانون ساز انتخابات کے انعقاد سے قبل بڑے پیمانے پر فلسطینیوں کے اغوا کی سازشیں عمل میں لائ جارہی ہیں۔
فلسطین سنٹر برائے قیدی انفار میشن کی جانب سے رپورٹ جاری کی گئی ہے جس کے مطابق مقبوضہ فلسطین میں قابض اسرائیلی فوج اور خفیہ انٹلیجنس اداروں نے گذشتہ مارچ میں 410 فلسطینیوں کو گرفتار کیااس کے علاوہ 41 بچوں اور 10 خواتین بھی شامل ہیں۔
رپورٹ کے مطابق صہیونی انٹلیجنس کے اداروں کی جانب سے فلسطینیوںکو آئندہ مئی میں ہونے والے قانون ساز انتخابات کو متاثر کرنے کے پیش نظر انتخابات سے قبل حراستی مراکز میں منتقل کر نے کی بڑے پیمانے پر تیاریاں کی گئی ہیں۔
ان گرفتاریوں میں غزہ کی پٹی سمیت رام اللہ ،بیت الحم ، الخلیل اور بیت المقدس سے نہتے فلسطینیوں کو تفتیش کے بہانے جیلوں میں منتقل کیا جارہا ہے جہاں وبائی مرض کورونا سے متاثرہ قیدیوں کے درمیان ان صحت مند فلسطینی باشندوں کورکھا جارہ ہے جس کے باعث وبائی مرض کے تیزی سے پھیلنے کے خطرات بڑھ رہے ہیں تاہم صہیونی جیل انتظامیہ مسلسل مجرمانہ غفلت برتتے ہوئے کوئی احتیاط اقدام نہیں کر رہی ہے۔
واضح رہے کہ گذشتہ ایک ماہ کے دوران صہیونی عدالتوں نے قیدیوں کے خلاف انتظامی فیصلے جاری رکھے ہوئے ہیں جس کے باعث آزادی پانے والے قیدیوں کو رہائی سے ایک روز قبل ہی دوبارہ کسی نا کسی بے بنیاد الزام میں غیر معینہ مدت کے لیے حراست میں لیتے ہوئے قید میں ڈالا جارہا ہے۔