(روز نامہ قدس ۔آنلائن خبر رساں ادارہ) غاصب صیہونی فوج کے ریڈیو نے انکشاف کیا ہے امریکی سینٹرل کمانڈ کے کمانڈر جنرل مائیکل کوریلا آج بدھ کو اسرائیل پہنچیں گے جہاں وہ ایران کے حوالے سے ممکنہ حالات پر بات چیت کریں گے۔ ریڈیو نے کہا کہ یہ دورہ "کسی بھی ایرانی حملے کے خلاف مشترکہ دفاع کی تیاریوں” کے دائرہ کار میں ہے۔
ریڈیو کےمطابق اسرائیلی فوج شمالی سرحدوں پر لبنانی مزاحمتی تحریک حزب اللہ اور غزہ میں حماس سمیت دیگر مزاحمتی تحریکوں کے ساتھ ایک پیچیدہ جنگ میں مصروف ہے اور ایسی صورتحال میں ایران کے ساتھ براہ راست جنگ خطے کی صورتحال کوسنگین خطرات سے دوچار کرنے کےساتھ ساتھ اسرائیل کی سلامتی کےلئے بھی تشویشناک ہے۔
ریڈیو کی رپورٹ کےمطابق شمالی محاذ پر اسرائیلی فوج کو حزب اللہ کے ساتھ جنگ میں بھاری جانی نقصان کا سامنا ہے ، جبکہ غزہ میں بھی صیہونی فوج کو غیر معمولی نقصان کا سامنا کرنا پڑ رہا ہے ۔ اسرائیلی فوج نے گذشتہ روز شمالی غزہ میں چار فوجیوں کو ہلاکت کااعلان کیا ہے