(روزنامہ قدس ۔آن لائن خبر رساں ادارہ ) ایرانی سپریم لیڈر نے کہا ہے کہ فلسطینی قوم کی آزادی کے حصول اور قابض صہیونی ریاست کی شر کے خاتمےکے لیے دی جانی والی قربانیاں رائیگاں نہیں جائیں گی، ان کا ملک مظلوم فلسطینی قوم کی مدد جاری رکھے گا۔
فلسطینی تحریک حماس کے دفترسے جاری ایک بیان میں کہا گیا ہے کہ حماس کے رہ نما اسماعیل ھنیہ کی جانب سے ایرانی سپریم لیڈر کو بھیجے گئے جوابی خط میں اسلامی جمہوریہ ایران کے سپریم لیڈر آیت اللہ علی خامنہ ای نے اپنے ملک کی جانب سے مظلوم فلسطینیوں کو اپنی مکمل حمایت کا یقین دلاتے ہوئے کہا ہے کہ ایران فلسطینی قوم کو صیونی ریاست کے رحم و کرم پر تنہا نہیں چھوڑے گا اور ان کی مدد جاری رکھی جائے گی۔
سپریم لیڈرنے فلسطینی قوم کی آزادی کے حصول اور قابض صہیونی ریاست کی شر کے خاتمےکے لیے دی جانی والی قربانیوں کو اعزاز قرار دیتے ہوئے کہا کہ فلسطینیوں نے قابض دشمن کی ہر دھمکی اور لالچ کو منطق، عقل، مزاحمت اور مہارت سے دشمن کو ناکام بنایا ہے۔
انہوں نے فلسطینی قوم پر بیداری اور وحدت پر زور دیا اور کہا کہ فلسطینی قوم اور اس کی نمائندہ قوتیں مل کر ہی صہیونی دشمن کے مذموم عزائم کو ناکام بنا سکتی ہیں۔
انہوں انہوں نے کہا کہ اسرائیلی دشمن توسیع پسندانہ حکمت عملی پر عمل پیرا ہے۔ اسرائیل نے فلسطینی قوم کے آئینی حقوق دبا رکھے ہیں اور مذاکرات کے دھوکے اور نام نہاد امن کے جھانسے میں فلسطینی قوم کے حقوق کو غصب کیا گیا۔