(روز نامہ قدس ۔آنلائن خبر رساں ادارہ ) نطنزادارہ ترجمان نے بتایا کہ ملک کی ایک اہم جوہری تنصیب کو سبوتاژ کیا گیا ہےجہاں ایک روز قبل ہی یورینیم کی افزودگی کے لیے نئے ساز و سامان کی رونمائی کی گئی تھی۔
صہیونی ریاست کے نشریاتی ادارےکان کی جانب سےگذشتہ روز خبر نشر کی گئی ہےجس کے مطابق اسرائیل نےایران کی اس تنصیب پر سائبر حملہ کیا ہےجس میں اسرائیلی خفیہ ایجنسی موساد کے حوالے سے دعوہ کیا ہے کہ جنوبی تہران میں ایرانی جوہری توانائی کے ادارے نطنز پر اسرائیل نےسائبر حملہ کیا ہے۔
ایران پر اس سائبر حملے کی معلومات فراہم کرتے ہوئے ادارے کے ترجمان بہروزکمال آفندی نے سرکاری میڈیا کو بتایا کہ ملک کی ایک اہم جوہری تنصیب کو سبوتاژ کیا گیا ہےجہاں ایک روز قبل ہی یورینیم کی افزودگی کے لیے نئے ساز و سامان کی رونمائی کی گئی تھی۔ تھا کہ ’’ نطنز میں ایک ’’واقعہ‘‘رونماہوا ہے،اس کے نتیجے میں اس تمام تنصیب میں بجلی منقطع ہوگئی ہے۔
ایران کے جوہری توانائی کے ادارے کے سربراہ علی اکبر صالحی نے اس واقعہ کو جوہری دہشت گردی قرار دیاہے ۔
واضح رہے کہ اب تک سرکاری سطح پر اسرائیل نے اس واقعے پر کوئی بیان جاری نہیں کیاتاہم گذشتہ دنوں اسرائیل کی جانب سے ایران کے جوہری منصوبے کے حوالے سے تنبیہ جاری کی گئی تھی جبکہ نطنز میں واقع ایران کی جوہری تنصیبات کو ماضی میں بھی اس طرح کے تخریبی حملوں کا نشانہ بنایا جاچکا ہے۔