(روزنامہ قدس ۔آن لائن خبر رساں ادارہ ) شرکاء کی اکثریت نے پرائم منسٹر کے بجائے کرائم منسٹر والے پلے کارڈز ہاتھوں میں اٹھارکھے تھے جو ان کے خلاف درج بدعنوانی کے مقدمات اور نااہلی کی طرف ایک اشارہ ہے۔
غیر ملکی ذرائع ابلاغ کی رپورٹ کے مطابق امریکی ریاست نیویارک میں مقیم سیکڑوں امریکی یہودیوں نے واشنگٹن اسکوائر پارک میں صیہونی ریاست کے وزیراعظم بنیامین نتن یاہو کی ناقص کارکردگی اور بدعنوانی کے مقدمات کے خلاف اسرائیل میں ہونے والےحالیہ مظاہروں کی حمایت میں احتجاجی مظاہرہ کیا، نیو یارک میں مقیم متعددیہودیوں نے میں ریلی نکالی اور نیتن یاہو کے خلاف نعرے بازی کی اور ان سے استعفیٰ دینے کا مطالبہ کیا۔
مظاہرین میں شامل شرکاء کی اکثریت نے پرایم منسٹر لفظ کے بجائے کرائم منسٹر والے پلے کارڈز ہاتھوں میں اُّٹھا رکھے تھے جو نیتن یاھوکے خلاف درج تین بدعنوانی کے مقدمات کی طرف ایک اشارہ ہے۔
اس سے قبل جمعہ کے روز امریکی ریاست سان فرانسسکو میں گولڈن گیٹ برج کے قریب درجنوں افراد نےجمع ہوکر نیتن یاہو کے کے خلاف مظاہرہ کیا اور ان سے استعفی کی مانگ کی۔
واضح رہے کہ گزشتہ چند ماہ سے اسرائیل میں نیتن یاھو کے خلاف احتجاجی مظاہروں میں تیزی دیکھنےمیں آرہی ہے، احتجاجی مظاہروں کے درمیان مظاہرین اور پولیس میں جھڑپیں بھی ہوئیں ہیں جبکہ اسرائیلی کی سلامتی کی خفیہ ایجنسی شاباک نے صیہونی وزیراعظم کی جان کو خطرے کے پیش نظر ان کی سیکیورٹی میں غیر معمولی اضافہ بھی کردیا ہے ۔